Fyrirlestrar

Í fyrirlestrum sínum leggur Bergur Ebbi áherslu á málefni tengd tækninýjungum, og áhrifum þeirra á samfélagsuppbyggingu okkar. Hvað verður um störfin og hver mun fara með völdin á tímum falsfrétta, gervigreindar og gegndarlausrar upplýsingasöfnunar?

Verkfærakista og hagnýt ráð til að nýta sér sviðsskrekk, ná í gegn í ræðupúlti eða á fjarfundum, takast á við neikvæða strauma, finna sinn stíl, skotheld aðferð við að undirbúa ,,óundirbúna ræðu”.

Hvað felst í að vinna í teymi og hvað þarf til að teymi nái raunverulegum árangri? Örn Haraldsson er teymisþjálfari og PCC stjórnendamarkþjálfi og ræðir um teymisvinnu út frá eigin reynslu ásamt fræðilegu sjónarhorni.

Eflum árangursríkan og heilbrigðan starfsframa. Það er stutt á milli velgengni í starfi og kulnunar og streita hefur áhrif á okkur þar. Streita getur virkað á tvo vegu: sem hvatning til að fara út fyrir þægindahringinn eða getur bugað okkur vegna þess að hún hefur tekið stjórn. Þessi fína lína er oft vandséð. Við skoðum hvernig stjórna má streitu og nýta hana til árangurs.

Dr. Snjólaug Ólafsdóttir dregur fram nokkra lærdóma af viðbrögðum heimsins við Covid-19 og speglar í afstöðu og viðbrögðum til loftslagsmála og sjálfbærni.

Leifur Örn Svavarson hefur í áratuga starfi sínu sem fjallaleiðsögumaður stýrt farsælum leiðöngrum á Everest, hæstu tinda allra heimsálfutindana, yfir Grænland og á báða pólana.

Héðinn er rithöfundur og fyrirlesari sem sækir reynslu sína í hlutverk sem sérfræðingur í stefnumótun innan Stjórnarráðsins auk þess að hafa starfað lengi innan geðheilbrigðismála hér heima og erlendis.

Ragnheiður, stjórnendamarkþjálfi, og Þorsteinn, leikari, leiða hér saman hesta sína í hressilegum og áhrifaríkum fyrirlestri. Í fyrirlestrinum fjalla þau um það hvernig við getum notað hugarfar og samskipti til þess að takast á við síbreytandi umhverfi.

Ugla Stefanía Kristjönudóttir Jónsdóttir er kynjafræðingur, rithöfundur og tals manneskja fyrir réttindum trans fólks. Ugla hefur beitt sér fyrir réttindum trans fólks á Ísland.

Erindið fjallar um muninn á jákvæðri og skaðlegri karlmennsku, hvers vegna og hvernig karlar mættu og geta beitt sér fyrir jafnrétti þeim sjálfum og umhverfi sínu til hagsbóta.

Hreinskiptinn fyrirlestur leikarans Björgvins Franz lýsir því hvernig hann umbreytti eigin vinnubrjálæði yfir í innri ró og raunverulega starfsánægju.

Teymi er meira en hópur fólks sem vinnur saman. Teymi er hópur fólks sem styður hvert annað og treystir hvert öðru. Teymi sem einkennist af gagnkvæmri virðingu og samkennd þar sem öll kappkosta að setja sig í spor hvers annars eykur líkurnar á því að við fáum hugvit og raddir allra að borðinu. Þegar það gerist náum við að búa til virðisauka.

Fyrirlesturinn Sáttamiðlun á vinnustöðum fjallar um það hvernig stjórnendur geta nýtt sér aðferðafræði sáttamiðlunar til þess að grípa fyrr inn í ágreiningsmál og þannig komið í veg fyrir að deilumál stigmagnist.

Þorsteinn Bachmann kynnir nokkur leynileg klækjabrögð úr smiðju leikarans til að efla skapandi hugsun og umbreytingar- og aðlögunarhæfni í leik og starfi. Að skapa eitthvað úr engu.

Magnús Geir Þórðarson fjallar um kraftinn og tækifærin sem felast í því að segja “JÁ”. Magnús fjallar um hvernig við getum þróað fyrirtækjamenningu sem byggist á jákvæðri nálgun, samstöðu og gleði. Einnig fjallar Magnús um tækifærin í breytingum og því að halda starfsemi og starfsmannahópnum stöðugt á hreyfingu.

Hvernig metum við gæði samskipta? Hversu góðir hlustendur erum við? Af hverju löðumst við að fólki sem er leikið í samskiptum? Líklega af því að það veitir okkur vellíðan og við finnum fyrir virðingu og trausti.

Flest þurfum við einhvern tímann að koma fram eða tala fyrir framan aðra, hvort sem það er fyrir framan lítinn eða stóran hóp. Edda Hermannsdóttir fer yfir helstu atriði sem gott er að hafa í huga þegar kemur af undirbúningi og afslappaðri framkomu.

Síðustu tuttugu ár hefur Gísli gert fátt annað en að segja sögur, hann segir sögur í sjónvarpi, á árshátíðum og hverskonar skemmtunum og ekki síður á ferðalögum sem leiðsögumaður.

Saga Vilborgar Örnu. Fyrirlesturinn fjallar um ferðalag í átt að markmiði sem reyndist síður en svo auðvelt að ná. Sagan á erindi við alla sem þurfa að takast á við áskoranir, mótlæti eða vilja bæta árangur sinn.

Þau fyrirtæki sem einbeita sér að sköpunargleði geta vaxið allt að 160% hraðar en þau sem gera það ekki og það getur aukið ánægju starfsfólks og viðskiptavina samkvæmt ýmsum rannsóknum. Birna Dröfn fer yfir mikilvægi sköpunargleðinar í fyrirlestrum sínum ‘Að hugsa út fyrir boxið’ og ‘Hvert er lestin að fara?’

Sævar hefur starfað við vísindamiðlun hjá Háskóla Íslands, kennt stjarnvísindi í framhaldsskólum, í Háskóla unga fólksins, Háskólalestinni og Vísindasmiðjunni.

Í atvinnulífi þar sem samvinna skiptir gífurlegu máli er mikilvægt að teymi fyrirtækja séu í toppmálum! Öll þurfa að skilja tilgang teymisins eins svo að forgangsröðun verði rétt og það hámarki framleiðni.

Stefán Pálsson er sagnfræðingur með ansi vítt áhugasvið. Hann hefur skrifað bækur um allt mögulegt s.s. fótbolta, bjór, tækni og vísindi, bókstafinn ð o.fl. Hann er eftirsóttur leiðsögumaður í sögugöngum víðsvegar í borgarlandinu.

Hvernig búum við til samfélag tækifæra og umburðarlyndis? Hvernig vinnum við að virðingu í samskiptum og öllu mannlegu samspili? Þegar samskipti og mannlegt samspil gengur vel, líður fólki vel. Hugmyndaauðgi og framlegð hópa eykst til muna svo ekki sé talað um lífsgæði þeirra sem að máli koma.

Pálmar Ragnarsson er fyrirlesari og körfuboltaþjálfari sem hefur slegið í gegn með fyrirlestrum um jákvæð samskipti. Fyrirlesturinn hefur hann flutt fyrir marga af stærstu vinnustöðum landsins.

Foreldrar eru mikilvægar fyrirmyndir og ómissandi liður í vel lukkaðri kynfræðslu. Það er nauðsynlegt að foreldrar og forráðamenn unglinga geti talað við þau um kynlíf, ástina, líkamann, samskipti og samþykki.

Óstöðvandi liðsandi er óvenjulegur, skemmtilegur og orkueflandi hvatningarfyrirlestur með Bjarti Guðmundssyni leikara og frammistöðuþjálfa hjá Optimized Performance.

Í fyrirlestrinum kynnir Margrét núvitund og ávinning af núvitundariðkun. Þátttakendum verða kynntar einfaldar núvitundaræfingar og boðið að prófa að stunda núvitund. Margrét tengir núvitund við aðferðir úr jákvæðri sálfræði sem skv. rannsóknum stuðla enn frekar að hamingju og vellíðan.

Í fyrirlestrinum fer Guðmundur yfir viðhorf og aðferðir sem hann hefur sjálfur tileinkað sér, með góðum árangri, í yfir 20 ár án handleggja. Fyrirlesturinn er á einföldu og skýru mannamáli þar sem allir ættu að geta gengið burt með góða sýn á hvernig er hægt að eiga hamingjuríkara líf, óháð ytri aðstæðum.

Stundum fæðast hugmyndir sem mannkynið getur verið ótrúlega fljótt að tileinka sér og ákveða að trúa á í sameiningu og jafnvel berjast fyrir. Mannréttindi eru einmitt slík hugmynd.

Fyrirlesturinn Húmor virkar samanstendur m.a. af niðurstöðum viðamikilla rannsókna og vinnu á virkni húmors á heilsu (líkamlega sem andlega) og sem árangursaukandi afl í atvinnulífinu og lífinu almennt. Fyrirlesturinn er í senn mjög skemmtilegur en einnig fræðandi og fær fólk til að sjá Húmor í nýju ljósi.

Áshildur hefur brennandi áhuga á því að sjá fólk vaxa og uppgötva nýjar víddir innra með sér. Hún vinnur með gong, kristalshörpu og fleiri hljóðfæri í þeim tilgangi að koma ró á hugann, víkka vitundina og ná dýpri tengingu við sjálfið.

Seigla er hugræn færni sem gerir okkur kleift að sigrast á hindrunum í lífinu í stað þess að láta þær slá okkur út af laginu. Hún er ekki einhver eiginleiki sem fólk annað hvort hefur eða hefur ekki, heldur samanstendur hún af hegðun, hugsun og gjörðum sem hver sem er getur lært. Þrautseigja er úthald við að gera eitthvað þrátt fyrir erfiðleika eða seinkun á því að ná árangri. Hún er ákveðni og stundum mjög mikil vinnusemi.

Tómas, Prófessor og yfirlæknir, hjarta- og lugnaskurðdeild Landspítala. Ein heild, mikilvægi þess að allir vinni saman í teymi eins og við að bjarga mikið slösuðum eða í hjartaaðgerð.

Andri er stofnandi ANDRI ICELAND, umbreytandi vellíðunar- og heilsuþjálfunarstöð sem hefur að leiðarljósi aðferðir sem höfðu svo mikil áhrif á líf Andra að hann skilgreinir sjálfan sig sem “endurfæddan”.

Bergþór fjallar um aðferðir sem hann hefur notað til að auka framkvæmdahug og lífsorku, m.a. möntrur sem byggjast á því að máttur orða og hugsana er meiri en við gerum okkur grein fyrir.

Berglind Ósk hefur á undanförnum árum haldið vinsæla fyrirlestra um loddaralíðan og árið 2021 gaf hún út ljóðabók sem fjallar um þetta hvimleiða ástand og hvernig sé hægt að komast yfir það.

Þorsteinn Guðmundsson hefur lengi skemmt Íslendingum með uppistandi og fyrirlestrum um ýmis málefni. Vinsælasti fyrirlestur hans um þessar mundir fjallar um húmor í samskiptum.

Í fyrirlestrinum er leitað í verkfærakistu jákvæðrar sálfræði, talað er um styrkleika, jákvæðar tilfinningar og hamingjuaukandi aðgerðir.

Markmiðið er að auka skilning og hæfni stjórnenda og starfsmanna til að skapa og innleiða menningu leiðtoga. Það ríki traust, jákvætt hugarfar, vellíðan og allir hafi tækifæri til að njóta sín. Með velvild og stuðningi aukum við starfsánægju og minnkum líkur á langtíma veikindum og kulnun. Um leið aukum við árangur og samkeppnishæfni.

Í fyrirlestrinum fjalla þeir um borðsiði á léttum nótum, en snerta einnig á almennum mannasiðum og getur efnið farið eftir samspili og spurningum frá hópnum í hvert skipti.

Í fyrirlestri sínum gefur Ágúst innsýn í þær áskoranir sem hann hefur fengist við og fylgir því eftir með hugleiðingum og ráðum til heilbrigðis og lífshamingju. Fyrirlestrar Ágústar hafa gefið dýpri skilning á tilveru þeirra sem glíma við veikindi, hreyft við áheyrendum og gefið hvatningu til aukinna lífsgæða.

Við erum einstaklingar og því ólík og það tekur okkur miklu lengri tíma að vinna verk ef við erum ekki „í stuði“. Í vinnunni erum við gjarnan undir þrýstingi sem getur leitt til streitu sem mögulega dregur úr afköstum og gæðum vinnunnar. Í jákvæðri sálfræði er til öflug leið sem kallast „að vinna í flæði“ sem skilar okkur margfalt til baka. Taktu venjubundið verk og lærðu að gera það betur, hraðar og enn skilvirkara.