fbpx

Við búum yfir áralangri og umfangsmikilli reynslu af markþjálfun til umbreytinga fyrir stjórnendur, almenna starfsmenn og liðsheildir.
Við stýrum stefnumótun, hönnum og skipuleggjum starfsdaga og hópefli.  Við nálgumst verkefnin með aðferðum markþjálfunar.

Ánægðir viðskiptavinir

PRO markþjálfun

Markþjálfun

Markþjálfun er skemmtilegt og krefjandi samtal sem stuðlar að auknum persónulegum þroska og betri árangri í lífi og starfi. Skipulagt og kerfisbundið samtalsform þjálfunarinnar byggir á trúnaði milli viðskiptavinar og markþjálfa og eykur þannig sjálfsskilning og ábyrgð einstaklingsins.

Sjá meira

Stjórnendamarkþjálfun

Stjórnendamarkþjálfun „Executive Coaching“ er víða orðin viðurkennd leið til að þjálfa og efla nýja sem reynda stjórnendur á öllum stigum innan fyrirtækja. Umbreytingastjórnun er eitt af hlutverkum stjórnenda í dag og stjórnendamarkþjálfun því mikilvægur þáttur. Um er að ræða viðurkennda samtalstækni sem hefur það markmið að laða fram það besta í einstaklingi. Stjórnandinn (markþeginn) ákveður viðfangsefnin og markþjálfinn aðstoðar hann með öflugri spurningatækni við að finna leiðina að markinu.

Hópmarkþjálfun

Hópmarkþjálfun er markþjálfun út frá ákveðnum efnistökum fyrir hóp sem hefur áhuga og/eða þörf fyrir að efla sömu hæfniþætti en hefur ekki endilega sama markmið. Dæmi: Hópur stjórnenda sem vill efla sig í leiðtogafærni en hver einstaklingur hefur sitt markmið. Hér eru allir að læra á sínum forsendum en læra einnig af þeim sem eru í hópnum. Auk hefðbundins árangurs skapast og eflist gjarnan liðsheild slíks hóps og eykur því árangur hvers og eins.

Teymismarkþjálfun

Teymismarkþjálfun er markþjálfun fyrir hóp af fólki sem myndar eitt teymi sem hefur sama markmið. Dæmi: Eining í fyrirtæki sem á að ljúka ákveðnu verkefni s.s. innleiðingu á nýju kerfi, opnun á nýrri viðskiptaeiningu o.s.frv. Hér er áhersla á að hver liðsmaður sé mikilvægur hlekkur í keðjunni. sem hver fyrir sig þarf að efla ólíka hæfni eða vinna í ólíkum hæfniþáttum.

Stefnumótun

Sá sem stefnir ekkert fer þangað segir í ágætu máltæki. Stefnan og gæði hennar hafa því afar mikið um það að segja hvernig tekst til. Það er vandasamt að móta góða, djarfa og jafnframt framkvæmanlega stefnu. Við erum þrautþjálfuð í að vinna skýra þarfagreiningu og móta stefnu með viðskiptavinum.

Starfsdagar

Virði starfsdaga hefur vaxið samhliða áherslu á þátttöku hvers og eins í vegferð fyrirtækisins. Við förum bæði óhefðbundnar og hefðbundnar leiðir, allt eftir þörfum og markmiði dagsins. Við hjálpum til við að móta skýr markmið fyrir daginn og sníðum dagskrána að þörfunum svo tilsettum árangri sé náð. Við framkvæmum svo daginn með úrvalsliði fagsfólks úr okkar röðum, enda persónuleg þjónusta ein af okkar lykil áherslum.

Hópefli

Hópefli er stór þáttur í að viðhalda og efla menningu innan liðsheildar og leið til þess að upplifa sig öruggan með samstarfsfélögunum og kynnast þeim betur. Hvað er betra en að hlæja og hafa gaman um leið og unnið er með eflingu liðsheildarinnar? Þarfir og tilefnið hverju sinni getur verið ólíkt og mikilvægt er að hugsa um tilganginn og ávinninginn sem á að nást með hópeflinu. Við sníðum hópeflið algjörlega að þörfunum hverju sinni.

Náðu fram þessu extra

Markþjálfi

Ragnheiður Aradóttir

Hún er sérfræðingur í eflingu mannauðs og hagnýtingu jákvæðrar sálfræði. Hún hefur 15 ára reynslu af námskeiðahaldi og stjórnendamarkþjálfun og hefur þjálfað yfir 7.000 manns innan fjölda fyrirtækja hérlendis og í stórfyrirtækjum erlendis. Hún er PCC vottaður stjórnendamarkþjálfi  frá ICF og á að baki yfir 2500 tíma í markþjálfun. Ragnheiður hefur unnið til fjölda verðlauna sem þjálfari á alþjóðavettvangi.

ragga@procoaching.is
857 1700
Sjá meira Panta markþjálfun