Öll leiðtogaþjálfun hjá PRO er sérsniðin að óskum og áskorunum hverju sinni

Það er ekki sjálfgefið að stjórnendur hafi leiðtogafærni og getur vönduð umbreytingaþjálfun því verið mikilvæg. Oft er í raun vanmetinn sá þáttur er snýr að mannauðsstjórnuninni. Yngri kynslóðir eru til dæmis drifnar áfram af öðrum hvötum en þær eldri og jákvæð leiðtogafærni og nútíma stjórnunarhættir eru því afar mikilvægir til að ná fram því besta í hverjum og einum liðsmanni. 

Á stjórnendanámskeiðum PRO skilgreinum við hlutverkið betur, þjálfum einstaklinga í hagnýtingu jákvæðrar sálfræði og aðferðum markþjálfunar. Við skilgreinum hvað fylgir því að vera sterk fyrirmynd og axla ábyrgð, að hafa kjarkinn til að taka erfiðar ákvarðanir og hvetja til og innleiða breytingar. Við þjálfum hæfni til að veita hvetjandi og leiðbeinandi endurgjöf, ásamt því að byggja upp traust og valdefla liðsheildina. Við þjálfum stjórnun hugarfars og eflum kjarkinn til að þróast og breytast.