Rannsóknir hafa sannað að fólk sem bælir eða leiðir tilfinningaástand hjá sér er í meiri áhættu að verða veikt vegna þess að bældar tilfinningar leiða til líkamlegrar streitu sem dregur úr áhrifamætti ónæmiskerfisins til að takast á við sjúkdóma. ​

Vinsemd í eigin garð er ekkert öðruvísi en vinsemd í garð annarra. Sjálfumhyggja felur í sér að þú hagar þér á sama hátt gagnvart sjálfum þér þegar þú átt í erfiðleikum, gerir mistök eða tekur eftir einhverju sem þér líkar ekki í eigin fari. Í stað þess að hunsa sársauka og bíta á jaxlinn, þá breytirðu hugarfarinu og einblínir á; hvernig get ég huggað mig og séð um mig á þessari stundu? Í stað þess að dæma miskunnarlaust og gagnrýna sjálfan þig vegna ýmissa annmarka þýðir sjálfsumhyggja að þú ert góður og skilningsríkur þegar þú stendur frammi fyrir persónulegum mistökum – þegar öllu er á botninn hvolft, hver sagði að við ættum að vera fullkomin? Mögulegt að taka rafrænt próf og sjá hvaða hæfileika við höfum til sjálfsvinsemdar. ​