Við búum yfir áralangri og umfangsmikilli reynslu af markþjálfun til umbreytinga fyrir stjórnendur, almenna starfsmenn og liðsheildir.
Við stýrum stefnumótun, hönnum og skipuleggjum starfsdaga og hópefli.  Við nálgumst verkefnin með aðferðum markþjálfunar.

Ánægðir viðskiptavinir

Kærar þakkir fyrir afar gott samstarf og árangursríka þjálfun. Ragnheiður heyrir raddir allra, tengir ólík sjónarmið einkar vel og hefur sterkt innsæi. Hún er snögg að setja sig í spor annarra og kemur ávallt beint að kjarna málsins. Kallar fram það besta í fólki, nær fram hreinskiptum, traustum og lausnamiðuðum samskiptum sem færa árangur.
Brynjar Viggósson og Nanna Herborg Tómasdóttir
flutningasviði Eimskips
Ragnheiður hlustar vel, dregur út lykilorð úr frásögn og sýnir hvernig lausn flóknustu mála blasir við setji maður vangaveltur fram á einfaldan hátt. Hún setur sig auðveldlega í spor annarra og á auðvelt með að sjá skóginn fyrir trjánum. Hún ýtir við manni á réttum stöðum og er jafn krefjandi og þörf er á hverju sinni.
Loftur St. Loftsson
IT Manager – Marel
Ég hef verið svo heppin að hafa Ragnheiði sem stjórnendamarkþjálfa. Hún er einstaklega þægileg, góður hlustandi og hjálpar manni að sjá erfið mál í öðru ljósi, með því að spyrja réttu spurninganna. Hún er einnig dugleg að hrósa, en það er mikilvægur eiginleiki sem eykur sjálfstraust og gefur aukna orku.
Þórey Jónsdóttir
Mannauðsstjóri Airport Associates
Ragnheiður veitti mér gífurlega góðan stuðning þegar mér fannst verkefnin óleysanleg. Með því að spyrja réttu spurninganna varð myndin skýr og gekk upp. Hrós hennar og hvatning drógu fram aukið sjálfstraust og vilja til að ná settu marki. Ég verð henni ævinlega þakklát.

Guðný Björg Hauksdóttir
framkvæmdastjóri mannauðsmála, Alcoa Fjarðaáli

Sú vinna sem hefur farið fram fyrir Reykjanesbæ, hefur skilað árangri og verið mjög fagleg. Hvort sem er um viðburði eða markþjálfun stjórnenda að ræða, þá höfum við fengið topp þjónustu og nákvæmlega það sem við báðum um.
Hanna María Jónsdóttir
Fv. Mannauðsstjóri Reykjanesbæjar
Bestu þakkir fyrir dásamlegan hópeflisdag. Þið eruð fagmenn fram í fingurgóma. Dagurinn var fjölbreyttur og krafðist þess að við nýttum styrkleika okkar sem liðsheild. Nú horfum við svo sannarlega einbeitt fram á við.
Heiðrún Erika Guðmundsdóttir
Deildarstjóri, Hagstofa Íslands
Markþjálfunin fyrir stjórnendur okkar hefur skilað sér í auknu sjálfstrausti þeirra til að takast á við ögrandi áskoranir í krefjandi breytingaferli. Hún hefur hjálpað þeim að virkja hópinn sinn og framkvæma á árangursríkan hátt.
Helgi Bjarnason
Fv. framkvæmdastjóri hjá Arion Banka

LOCAL lögmenn nutu leiðsagnar og ráðgjafar frá PROcoaching í stefnumótunarvinnu lögmannsstofunnar. Ragnheiður er mikil fagmanneskja og ráðgjöf hennar og leiðsögn veitti okkur mikilvæg tæki til að vinna með innan fyrirtækisins þegar stefna þess var yfirfarin og mörkuð.
Eigendur
Local lögmenn

PRO markþjálfun

Markþjálfun

Markþjálfun er skemmtilegt og krefjandi samtal sem stuðlar að auknum persónulegum þroska og betri árangri í lífi og starfi. Skipulagt og kerfisbundið samtalsform þjálfunarinnar byggir á trúnaði milli viðskiptavinar og markþjálfa og eykur þannig sjálfsskilning og ábyrgð einstaklingsins.

Sjá meira

Stjórnendamarkþjálfun

Stjórnendamarkþjálfun (e. Executive Coaching) er víða orðin viðurkennd leið til að þjálfa og efla nýja sem reynda stjórnendur á öllum stigum innan fyrirtækja. Umbreytingastjórnun er eitt af hlutverkum stjórnenda í dag og stjórnendamarkþjálfun því mikilvægur þáttur. Um er að ræða viðurkennda samtalstækni sem hefur það markmið að laða fram það besta í einstaklingi. Stjórnandinn (markþeginn) ákveður viðfangsefnin og markþjálfinn aðstoðar hann með öflugri spurningatækni við að finna leiðina að markinu.

Markþjálfunarmenning

Markþjálfun hefur rutt sér til rúms í atvinnulífinu hér á landi. Hún hefur löngu sannað gildi sitt sem áhrifarík leið til stjórnunar og teymiseflingar sem og einstaklingsmiðuð þjálfun og stuðningur. Fremstu fyrirtæki heimsins hafa með góðum árangri innleitt markþjálfun sem hluta af mannauðsmenningu með eflingu og þróun mannauðs að leiðarljósi.

Sjá meira

Hópmarkþjálfun

Hópmarkþjálfun er markþjálfun út frá ákveðnum efnistökum fyrir hóp sem hefur áhuga og/eða þörf fyrir að efla sömu hæfniþætti en hefur ekki endilega sama markmið. Dæmi: Hópur stjórnenda sem vill efla sig í leiðtogafærni en hver einstaklingur hefur sitt markmið. Hér eru allir að læra á sínum forsendum en læra einnig af þeim sem eru í hópnum. Auk hefðbundins árangurs skapast og eflist gjarnan liðsheild slíks hóps og eykur því árangur hvers og eins.

Teymismarkþjálfun

Teymismarkþjálfun er markþjálfun fyrir hóp af fólki sem myndar eitt teymi. Teymi eru af margvíslegum gerðum og geta verið til lengri eða skemmri tíma. Dæmi: Eining í fyrirtæki sem á að ljúka ákveðnu verkefni s.s. innleiðingu á nýju kerfi, opnun á nýrri viðskiptaeiningu o.s.frv. Áhersla er á eflingu allra innan teymisins svo að hægt sé að hámarka gæði vinnu og úkomu.

Sjá meira

Stefnumótun

Sá sem stefnir ekkert, fer þangað segir í ágætu máltæki. Stefnan og gæði hennar hafa því afar mikið um það að segja hvernig tekst til. Það er vandasamt að móta góða, djarfa og jafnframt framkvæmanlega stefnu. Það þarf að skoða ytri og innri þætti afar vel áður en stefna er mótuð ásamt því að hafa skýra mælikvarða á stefnuna sjálfa. Það er mikilvægt að hafa faglega lóðsun í slíku verkefni. Við erum þrautþjálfuð í að vinna skýra þarfagreiningu og móta stefnu með viðskiptavinum okkar.​

Starfsdagar

Virði starfsdaga hefur vaxið samhliða áherslu á þátttöku hvers og eins í vegferð fyrirtækisins. Við hjálpum til við að móta skýr markmið fyrir daginn og sníðum dagskrána að þörfunum svo tilsettum árangri sé náð. Við förum bæði óhefðbundnar og hefðbundnar leiðir, allt eftir þörfum og markmiði dagsins. Við framkvæmum svo daginn með úrvalsliði fagfólks úr okkar röðum, enda persónuleg þjónusta ein af okkar lykil áherslum.

Sjá meira

Hópefli og fjörefli

Hópefli og fjörefli eru árangursríkar leiðir til þess að viðhalda og efla menningu innan liðsheildar, styrkja hópa og efla samvinnu. Við leggjum áherslu á að einstaklingar upplifi sig örugga með samstarfsfélögunum og kynnist þeim betur. Þess er ávallt gætt að hver einstaklingur geti tekið þátt á sinni forsendu því það sem sumum finnst erfitt finnst öðrum auðvelt. Við sníðum hópeflið algjörlega að þörfum hópsins hverju sinni.​

Sjá meira
Náðu fram þessu extra

Markþjálfi

Ragnheiður Aradóttir

Ragnheiður er PCC vottaður stjórnendamarkþjálfi og teymisþjálfi með Dip. master í Jákvæðri Sálfræði og MSc í Mannauðsstjórnun. Hún er sérfræðingur í eflingu mannauðs og hagnýtingu jákvæðrar sálfræði. Hún er eigandi þjálfunarfyrirtækisins PROtraining & coaching sem býður upp á stjórnendaþjálfun, teymisþjálfun, námskeið, ráðgjöf, lóðsun og fyrirlestra. Hún er PCC vottaður stjórnenda- og teymismarkþjálfi með mörg þúsund tíma að baki og markþjálfar fyrir fjölda fyrirtækja á Íslandi og erlendis. Hún hefur 20 ára reynslu af þjálfun og námskeiðahaldi og hefur þjálfað yfir 20.000 manns innan fjölda fyrirtækja hérlendis og í stórfyrirtækjum erlendis. Hún hefur unnið til fjölda verðlauna sem þjálfari á alþjóðavettvangi. Ragnheiður hefur fjölbreytta stjórnunarreynslu og yfir 30 ára reynslu úr viðskiptalífinu. Hún hefur einnig setið í fjölmörgum stjórnum og nefndum m.a. sem varaformaður FKA og fyrrverandi formaður ICF Iceland. Ásamt Jóni Þórðarsyni viðburðastjóra og samstarfsaðila rekur hún jafnframt viðburðafyrirtækið PROevents og saman búa þau til öfluga viðburði fyrir fyrirtæki svo sem starfsdaga, stefnumótun og hópefli með það að markmiði að ná fram jákvæðum umbreytingum – ná fram þessu extra! ​Ragnheiður hefur mikinn metnað fyrir því að hámarka virkni og árangur viðskiptavina sinna á þeirra forsendum. 

ragga@procoaching.is – 857 1700

Sjá meira Panta markþjálfun